"Рома" клуби мадҳиясининг муаллифи, Италиялик қўшиқчи ва бастакор Антонелло Вендитти уни фойдаланишни тўхтатишни сўради. Одатда бу мусиқа римликларнинг уй учрашувлари олдидан ва ғалаба қозонилган ўйинлардан кейин стадионда қўйиларди.
"Очиғини айтганда, "Рома" мадҳиядан фойдаланишни бас қилиши истардим. Чунки энди у мен билган клуб эмас. Бу мадҳияни ёзган пайтимдаги аввалги жамоани кўрмаяпман. "Рома" менинг қўшиқларимдан фойдаланишни тўхтатса ҳам, у мухлисларнинг юрагида қолади.
Мен бу ҳақда нега гапиряпман, чунки клубда янги мадҳия ҳақида ўйлай бошлашди. Уларга шуни айтиш учун келдимки, муаммо йўқ, лекин бу муҳокамада мухлислар ҳам фаол иштирок этиши керак, деб ҳисоблайман", дея Вендиттининг сўзларидан иқтибос келтирмоқда итальян ОАВ.