"Спортинг" марказий ҳужумчиси Конрад Хардер ёзда "Милан"га трансфери барбод бўлгач, бошқа клубга ўтиши мумкин. Бу ҳақда Record хабар бермоқда.
Манбага кўра, даниялик футболчи "РБ Лейпциг"нинг трансфер мақсадига айланган. Немис клуби Хардер учун "Спортинг"га 23 млн евро таклиф қилди. Яна 4 млн Португалия жамоаси бонуслар сифатида олиши мумкин. Футболчининг ўзи Германияга кўчиб ўтишга рози.
20 ёшли ҳужумчи 2024 йилнинг кузидан бери "Спортинг" шарафини ҳимоя қилмоқда. Ҳаммаси бўлиб Хардер Португалияда 51 та ўйинда майдонга тушиб, 12 та гол урган ва 7 та голли узатмани амалга оширган. Transfermarkt портали футболчини 24 млн еврога баҳоламоқда.













