«Милан» вице-президенти Адриано Галлиани клуб ҳужумчиси Стефан аш-Шааравийга бўлган қизиқишлар борасида гапириб ўтди.

«Бизга Аш-Шааравий учун жуда жиддий таклифлар бўлсада, уларни кўриб чиқмадик. Мен жамоалар номини айтиб ўтмайман, лекин улар жуда кучли жамоалар эди. Бу ҳақда Стфеаннинг агентига хабар бердим. Шааравий конфедерациялар кубогидан қайтиб келганидан кейингина у билан гаплашдим».

«Биз Аш-Шааравийни сотиш ниятида эмасмиз. Шунчаки унга ва унинг оиласига қулай бўлган шартномалар таклиф қилинганини етказиб қўйдик. Биз ундан ҳеч нарсани яширмоқчи эмасмиз».

«Мен ундан нима қилмоқчи эканини сўрадим. У эса «Милан»дан олаётган пули етарли эканини таъкидлаб қолишини айтди. У жамоанинг ҳақиқий ишқибози. Шу боис ҳам Стефан ҳеч қаерга кетмоқчи эмас. Мен ҳам бу гапларидан кейин унинг пешонасидан ўпиб қўйдим».

«Таклифлар қандай даражада бўлганди? 30 миллион евродан ортиқроқ», дея Галлианининг сўзларидан иқтибос келтиради «Footbll Italia».