Испания чемпионатининг 2012/13 йиллар мавсуми учун фэйр-плей соврини "Барселона"га топширилди. Бу ҳақда Каталония клуби расмий сайти хабар тарқатди.
"Кўк-анорранглилар" чемпионатда ҳаммадан кам жарима очколарини жамғаришган. Ушбу рейтинг бўйича "Барса" 74 очко билан биринчи ўринни эгаллади. Кейинги поғоналарни "Вальядолид" (88 очко) ва "Реал Сосьедад" (102) клублари эгаллашган.
Айтиш жоиз, бу "Барселона"нинг бу борадаги бешинчи, қаторасига учинчиси ютуғидир.
Шунингдек, иккинчи дивизионда қатнашадиган "Барса" ёшлар жамоаси ҳам шундай совринга эга бўлган.