"Астон Вилла" ярим ҳимоячи Морган Рожерсга катта нарх белгилаб, потенциал харидорларни чўчитиб юборди.
Ёзда англиялик футболчига "Арсенал", "Тоттенхэм" ва "Челси" клублари қизиқиш билдирганди, бироқ аниқ бир масалага келинмади. The Telegraph хабарига кўра, Лондоннинг учала клуби ҳам "Вилла" белгилаган 80 млн фунт (деярли 92 млн евро) нархни жуда катта деб ҳисоблаган. Шунинг учун ҳам хавбекнинг трансферига ҳеч ким яқинлаша олмади.
Transfermarkt портали Морган Рожерснинг нархини 55 млн еврога баҳоламоқда. 23 ёшли футболчининг Бирмингем клуби билан меҳнат шартномаси 2030 йилнинг ярмигача мўлжалланган.
