Мадриднинг "Реал" клуби ўнг қанот ҳимоячиси Даниэль Карвахаль яқинда жароҳат олиб сафдан чиққанди. Испаниялик футболчи Ла Лига шанба куни бўлиб ўтган "Атлетико"га (2:5) қарши ўйиннинг 59-дақиқасида захирага олинди. AS хабарига кўра, Карвахаль 26 октябрь куни "қаймоқранглилар" майдонида бўлиб ўтадиган "Барселона"га қарши ўйинга қайтишни режалаштирмоқда. 33 ёшли футболчи "класико" олдидан тикланиш учун барча ишни қилади.
Якшанба куни "кўк-анорранглилар" "Реал Сосьедад"ни мағлуб этиб (2:1), 7 турдан сўнг "қаймоқранглилар"ни 1 очкога ортда қолдириб, турнир жадвалида пешқадамга айланди.
Хаби Алонсо жамоасининг навбатдаги ўйини 30 сентябрь куни Чемпионлар лигаси доирасида бўлиб ўтади - рақиб "Қайрат."
