Мадриднинг «Атлетико» жамоаси «Арсенал» ярим ҳимоячиси Санти Касорлага қизиқиш билдирмоқда. Бу ҳақда Onde Cero нашри хабар бермоқда.
Манбада айтилишича, Мадрид жамоаси Испания терма жамоаси футболчиси билан шахсий келишувга эришган.
«Арсенал» футболчини 30 миллион евродан камига қўйиб юбормоқчи эмас. «Атлетико» эса Касорла учун курашга «Вольфсбург» футболчиси Диегонинг трансферини бир ёқлик қилгандан кейин киришади.
Хабарингиз бор, ўтган мавсумда Касорла «Малага»дан Лондонга 24 миллион евро эвазига кўчиб ўтган эди.
Якунига етган Англия чемпионати баҳсларида Касорла 38 учрашувда майдонга тушган ва 12та голга муаллифлик қилган. Яна шунча голли узатмани амалга оширган.













