Роттердамнинг "Фейеноорд" клуби шарафини ҳимоя қилаётган 19 ёшли нидерландиялик ҳимоячи Живайро Рид Германия Бундеслигаси гранди сафига ўтиш имкониятига эга.
Журналист Флориан Плеттенбергнинг маълум қилишича, футболчини Мюнхеннинг "Бавария" клуби ўз сафига қўшиб олмоқчи. Томонлар Рид трансфери бўйича дастлабки музокараларни бошлаб юборган. Шунингдек, ҳимоячи трансферига Англия клублари ҳам қизиқиш билдирмоқда.
Живайронинг "Фейеноорд" билан шартномаси 2029 йилнинг ярмигача мўлжалланган. Унинг бозор нархи 20 миллион еврони ташкил этади.
Жорий мавсумда ҳимоячи 12 та ўйин ўтказиб, 1 та гол ва 1 та голли узатмани ўз ҳисобига ёздириб қўйди.
