«Манчестер Юнайтед»нинг марказий ҳужумчиси Жошуа Зиркзее қишки трансфер ойнасида жамоани тарк этмоқчи, деб хабар берди Sky Sports.

Манба маълумотларига кўра, нидерландиялик форвард берилаётган ўйин вақтидан норози — у жорий мавсумда ҳаммаси бўлиб атиги 90 дақиқа майдонда бўлган. Шу сабабли Зиркзее ўз агентига унга ижарага кетиш имкони бор жамоани топишни сўраган.

Маълумотларга кўра, футболчига Италиядан қизиқиш бор — «Рома» аллақачон «қизил иблислар» билан музокараларни бошлаган.

Эслатиб ўтамиз, Зиркзее 2024 йил ёзида «Манчестер Юнайтед» сафига қўшилган. У шу вақт мобайнида клуб сафида 54 та ўйин ўтказиб, 7 та гол ва 3 та голли узатма қайд этган.