"Манчестер Юнайтед" "Брайтон" ярим ҳимоячиси Карлос Балебани сотиб олиш режасидан воз кечмаяпти.
"Қизил иблислар" ўтган ёздаёқ хавбекни ўз сафига қўшиб олишдан манфаатдор эди, аммо "чайкалар" уни сотиш имкониятини кўриб чиқишдан бош тортди. Indykaila News хабарига ишонадиган бўлсак, ҳозирда клублар камерунлик футболчининг 2026 йилда эҳтимолий трансферини муҳокама қилмоқда. "Манчестер Юнайтед" 21 ёшли футболчи учун 90 млн фунт (деярли 103 млн евро) тўлашга тайёр.
Машҳур Transfermarkt порталида Карлос Балебанинг тахминий нархи - 60 млн евро. Футболчининг "Брайтон" билан амалдаги келишуви 2028 йилгача мўлжалланган.
