Испаниянинг "Барселона" клуби ўйиндан ташқари вазият яратиш маҳоратини намойиш этмоқда. Бу ҳақда Opta статистик портали эълон қилган маълумотда келтирилган.

Тадқиқот 2017-18 йилги мавсумдан бошлаб вақтни ҳисобга олади. Ўтган мавсумда Ханс-Дитер Флик шогирдлари ҳар бир ўйинда 4,76 та офсайд билан Европанинг топ-5 лигаларида биринчи ўринни эгаллаган бўлса, айни вақтда бу кўрсаткич 4,91 тага етган. Учинчи ўринни Англиянинг "Астон Вилла" жамоаси (2023-24 йилги мавсум ва 4,39) эгаллаган.

Шунингдек, топ-10дан Испаниянинг "Лас-Пальмас", "Эйбар" (икки марта), "Атлетик", "Альмерия", Франциянинг "Тулуза" ва Италиянинг "Сампдория" клублари жой олган.