Шотландия терма жамоаси етакчиларидан бири Эндрю Робертсон ЖЧ-2026 саралаш босқичи доирасида Дания терма жамоаси устидан қозонилган ғалабага изоҳ берди.
"Бу ўйинда жамоавий руҳимизни кўрсатдик. Терма жамоамиз ҳеч қачон таслим бўлмайди. Биз ҳар доим охирги ҳуштаккача курашамиз. Бу фаолиятимдаги энг ақл бовар қилмайдиган ўйинлардан бири. Биз ғалаба қозондик ва энди жаҳон чемпионатига борамиз," - дея ҳимоячининг сўзларини келтиради УEФА матбуот хизмати.
Беллашув Шотландиянинг 4:2 ҳисобидаги ғалабаси билан якунланди. Ушбу муваффақиятдан сўнг жамоа гуруҳда биринчи ўринни эгаллади ва 2026 йилги жаҳон чемпионатига тўғридан-тўғри йўлланмани қўлга киритди.













