Миланнинг "Интер" клуби ярим ҳимоячиси Ҳакан Чалханўғли қишки трансфер ойнасида клубни тарк этмайди.

Январь ойида 31 ёшли футболчининг кетиши мумкинлиги ҳақидаги миш-мишлар ҳақиқатга тўғри келмайди: "нерадзуррилар" хавбекни қўйиб юбормайди, чунки у мураббий Кристиан Киву учун жуда муҳим. Шу билан бирга, инсайдер Фабрицио Романонинг ёзишича, яқин икки-уч ой ичида "Интер" босслари турк билан келажакни муҳокама қилишни бошлайди - шартномани узайтириш ҳам, ёзда хайрлашиш ҳам мумкин.

Ҳакан Чалхонўғлининг амалдаги шартномаси 2027 йилгача мўлжалланган. Transfermarkt портали футболчининг нархини 25 млн еврога баҳоламоқда.