Мадриднинг "Реал" клуби дарвозабони Тибо Куртуа ҳужумчи Килиан Мбаппенинг кайфияти қандай ўзгарганини айтиб берди.
Бельгиялик футболчи клубга келганидан кейин французнинг дебют мавсуми мослашувга кетганини тан олди, аммо энди у ўзини топди ва жамоа етакчисига айланди.
"Бу мавсумда Мбаппенинг кайфияти умуман бошқача - у ғолиблик менталитетини намойиш этмоқда. Унинг етакчи эканлиги ҳаммага кўриниб турибди. Ўтган мавсумда у янги жамоага мослашиш ва майдондаги роли туфайли қийинчиликларга дуч келди, энди эса бизни ўз ортидан эргаштирмоқда," - дея Куртуанинг сўзларини келтиради Madrid Universal.
Якшанба куни "қаймоқранглилар" Ла Лиганинг 13-турида "Эльче" меҳмони бўлади.
