"Барселона" президенти Жоан Лапорта Хави Эрнандеснинг жамоа бош мураббийлигидан истеъфога чиқарилиши ҳақидаги фикрлари билан ўртоқлашди. Испаниялик мутахассис "кўк-анорранглилар"ни 2021-2024 йилларда бошқарган.

Лапортанинг эслатишича, Хавининг ўзи мавсум охирида "Барселона"дан кетишини эълон қилган, бироқ орадан вақт ўтиб, учрашиб, вазиятни муҳокама қилишни сўраган.

"У ишни давом эттирмоқчи эканлигини айтди. Мен унга фақат битта савол бердим: "Хави, сен бу жамоага ишонасанми?" У "Мен 100 фоиз ишонаман, бу футболчиларни чемпион қиламан," деб жавоб берди. Орадан бир ҳафта ўтгач, жанговар жамоа тузиш учун унга икки йил кераклигини эшитдим. "Нима бўляпти ўзи?" деб ўйладим," - дея Лапортанинг сўзларини келтиради BarcaTimes.

Функционернинг сўзларига кўра, кейинроқ Хави Декуга чиқиб, унга трансферлар кераклигини, баъзилари билан хайрлашиш кераклигини айтган. Лапорта Хавини ҳурмат қилишини тан олди, аммо бу ҳолат унга таъсир қилди, шунинг учун бир пайтлар Месси, Альба, Бускетс билан бўлгани каби қийин қарор қабул қилишга тўғри келди.