"Бавария" ҳужумчиси Харри Кейн келажаги билан боғлиқ вазият ҳақида гапирди. Кейннинг амалдаги меҳнат шартномаси 2026/2027 йилги мавсум охиригача мўлжалланган.
"Шошилиш йўқ. Мен ҳақиқатан ҳам Мюнхенда бахтлиман ва буни менинг ўйинимдан кўриш мумкин. Агар қандайдир алоқалар бўлса - кўрамиз. Аммо ҳозирча кейинги мавсум ҳақида ўйламаяпман. Дастлаб - ёзда жаҳон чемпионати. Бу мавсумдан кейин нимадир ўзгариши эҳтимоли жуда кам.
"Бавария" мухлислари хавотирга тушиши керакми? Менимча, йўқ," - деди Кейн.
Ҳаммаси бўлиб Харри Кейн "Бавария" сафида 114 та ўйин ўтказиб, 109 та гол урган ва шерикларига 29 та голли узатмани амалга оширган.
