"Челси"нинг собиқ футболчиси Даниэль Старриж жамоанинг "Арсенал"га (1:1) қарши ўйиндаги ҳаракатлари ҳақида қандай фикрда эканини айтди.
"Кўклар" ўз майдонида "канонирлар" билан очко бўлишди. Улар 38-дақиқадаёқ Мойсес Кайседонинг четлатилиши туфайли майдонда бир киши кам бўлиб қолишганди.
"Челси" деярли 60 дақиқа 10 киши бўлиб ўйнади, аммо жуда яхши ҳимояланди. Жамоа ўз вазифасини бажарди. Ажойиб ўйин. "Челси" футболчилари ўз ўйинларидан мамнун бўлишлари мумкин," - деди Старриж Sky Sports телеканали эфирида.
Премьер-лига турнир жадвалида Энцо Мареска жамоаси 24 очко билан учинчи ўринда бормоқда, ундан юқорида "Манчестер Сити" (25) ва "Арсенал" (30) жойлашган.
