Мадриднинг "Реал" клуби собиқ ҳимоячиси ва сардори Марсело дриблинг борасида амалдаги футболчилардан қайси бири унга кўпроқ ёқишини айтди.
"Ҳозирда "Реал"нинг ёшлар жамоасида Габри исмли футболчи бор. У биринчи даражали футболчи. Катта эҳтимол билан бу йигит асосий таркибга киради, чунки у ажойиб дриблингга эга. У ҳам Ламин [Ямал] каби тўпни яхши назорат қилади. Бундан ташқари, менга "ПСЖ"дан Кварацхелиянинг дриблинги ёқади," - деди Марсело AS нашрига берган интервьюсида.
Кварацхелия "ПСЖ"да 2025 йилнинг январидан буён тўп суриб келмоқда. Бу вақт ичида грузиялик ҳужумчи барча турнирларда 49 та ўйинда майдонга тушиб, 11 та гол ва 13 та голли узатмани амалга оширди.
