Испания терма жамоаси ва Каталониянинг "Барселона" клуби собиқ ҳимоячиси Жерар Пике "ПСЖ"нинг франциялик вингери Усмон Дембеленинг "Олтин тўп-2025"даги ғалабасига изоҳ берди.
"Дембеле билан бирга ўйнаганман. Унинг туғма истеъдоди бор. У жуда техник ва тезкор футболчи. "Олтин тўп"га ким лойиқ деган савол доим баҳсларга сабаб бўлади. Дембеле "ПСЖ"нинг муҳим футболчиси эди ва жамоа билан барча совринларни қўлга киритди. Бу борада у аниқ мукофотга лойиқ эди," - дея собиқ футболчининг сўзларини келтиради RMC Sport.
Дембеле фаолиятида илк бор "Олтин тўп" соҳибига айланди. Овоз бериш жараёнида иккинчи ўринни "Барселона" вингери Ламин Ямал, учинчи ўринни эса "ПСЖ" хавбеки Витинья эгаллади.
