"Манчестер Юнайтед" ярим ҳимоячиси Кобби Майну "Наполи"нинг устувор трансфер мақсадлари қаторида қолмоқда.
20 ёшли футболчи Рубен Аморим жамоасидаги ҳолатидан норози - португалиялик мутахассис унга камдан-кам ҳолларда асосий таркибдаги жойни ишониб топширади. Умидли хавбек жаҳон чемпионати олдидан ўйин амалиётига эга бўлиш учун мавсум охиригача ижарага кетмоқчи. Инсайдер Николо Скиранинг маълумотига кўра, "Наполи" англиялик футболчини ижарага олиш бўйича фаол иш олиб бормоқда. Яқин кунларда клуб вакилларининг футболчининг агенти билан тўғридан-тўғри музокаралари бўлиб ўтиши кутилмоқда.
Кобби Майну жорий мавсум 11 та ўйинда майдонга тушди. "Қизил иблислар" ўз тарбияланувчиси билан хайрлашишга тайёрми ёки йўқми, ҳозирча номаълум.
