"Кристал Пэлас" ярим ҳимоячиси Адам Уортон Европа грандлари нишонида қолмоқда.

"Бургутлар" раҳбарияти 21 ёшли футболчига қизиқиш ортиб бораётганини эшитган, шунинг учун у билан шартномани узайтирмоқчи, деб ёзади журналист Бен Жейкобс.

Шу билан бирга, манба аниқлик киритишича, томонлар ўртасида "жентелменча келишув" мавжуд: агар футболчи янги келишувни имзоламаса, клуб Чемпионлар Лигаси иштирокчиларидан биридан 60-65 миллион фунт (68-75 миллион евро) миқдорида таклиф тушганда унинг трансферига тўсқинлик қилмайди.

Адам Уортонга даъвогарлар қаторида кўпинча "Реал", "Манчестер Юнайтед", "Челси" ва "Тоттенхэм" клублари тилга олинади. Transfermarkt сайтидаги хавбекнинг нархи - 60 млн евро.