Англия чемпионатининг йигирманчи турида "Арсенал" "Борнмут"га қарши баҳсда иродали ғалабага эришди - 3:2. Ярим ҳимоячи Деклан Райс баҳсда иккита гол урди.
Маълум бўлишича, "Вест Хэм"нинг собиқ футболчиси ва Англия терма жамоаси вакили учун бу Англия Премьер-лигасидаги илк дубль бўлди. Бу Райснинг АПЛдаги 296-ўйинида содир бўлди.
"Арсенал" АПЛ доирасидаги навбатдаги ўйинида "Ливерпуль"га қарши майдонга тушади. Охирги марта Лондон жамоаси 2004 йилда Англия чемпиони бўлган.













