"Манчестер Юнайтед" раҳбарияти Манчестерда учрашиб, клубдаги вазиятни муҳокама қилади.
Аввалроқ, "МЮ"нинг Тhe 1958, фан-гуруҳи вакиллари Рубен Аморим истеъфога чиқарилгач, клуб боссларини танқид қилгани ҳақида хабар берилганди. Мухлислар 1 февраль куни манкунианликларнинг "Фулхэм"га қарши ўйини олдидан норозилик намойиши уюштирмоқчи.
Аморим истеъфога чиқарилгач, манкунианликлар бош мураббийи лавозимини Майкл Кэррик эгаллади.
Журналист Бен Жейкобснинг хабар беришича, сер Жим Рэтклифф ҳамда Жоэл ва Аврам Глейзерлар Манчестер клуби ижроия қўмитаси йиғилишига келишган.
Мезбонлар Кэррик билан учрашиб, Манчестер дербиси олдидан тартибсизликларни минималлаштириш мақсадида учрашувни Монакода эмас, Манчестерда ўтказишга қарор қилинди.
"Юнайтед" АПЛнинг 22-турида шанба куни "Манчестер Сити"ни қабул қилади.
