"Манчестер Сити" таркибига яқин келажакда ҳимоячи Марк Гехи келиб қўшилади. "Кристал Пэлас"нинг 25 ёшли футболчиси трансфери ҳақида кўплаб инсайдерлар ёзмоқда, аммо молиявий шартлар турлича кўрсатилган.
Goal портали хабарига кўра, Гехи трансфери учун "Челси" ҳам пул ишлаб олади. 2021 йилда "аристократлар" "Кристал Пэлас" ҳимоячисини сотганида, келишувда алоҳида банд бор эди. Унга кўра, "Челси" Гехининг кейинги трансфери суммасининг 20 фоизини олиши керак.
Шу тариқа, "Кристал Пэлас" Англия терма жамоаси ҳимоячиси трансферидан келадиган даромаднинг бешдан бир қисмини "Челси" билан бўлишишига тўғри келади.
