Мексикалик марказий ҳужумчи Обед Варгас Мадриднинг "Атлетико" клуби билан шартнома имзолади. Бу ҳақда испан клуби матбуот хизмати расмий сайти хабар тарқатди.
Варгас "матрасчилар" сафига Американинг "Сиэтл Саундерс" клубидан кўчиб ўтган. Миш-мишларга кўра, трансфер суммаси 3 млн еврони ташкил қилган. 20 ёшли форварднинг мадридликлар жамоаси билан шартномаси 2030 йилнинг ёзигача амал қилади.
2025 йилда Варгас барча турнирларда 38 та ўйинда майдонга тушиб, олтита гол урди ва битта голли узатмани амалга оширди.
"Атлетико" Испания чемпионатининг 22-туридан кейин 45 очко билан турнир жадвалида учинчи ўринда бормоқда.
