Лондоннинг "Арсенал" клуби АПЛ 25-тури доирасида ҳужумчи Виктор Дьёкерешнинг иккита голи эвазига "Сандерленд"ни мағлуб этди (3:0). Шу тариқа, "тўпчилар"нинг швециялик форварди сўнгги тўртта учрашувда тўртта гол уришга муваффақ бўлди.
Бундан аввал Дьёкереш Англия чемпионати доирасидаги "Лидс Юнайтед" (4:0) ва Чемпионлар Лигаси 8-туридан ўрин олган "Қайрат" (3:2) билан баҳсларда ҳам ўз номини таблога ёздириб қўйган эди.
Жорий мавсумда скандинавиялик ҳужумчи барча мусобақаларда 32 та ўйинда майдонга тушиб, ўз ҳисобига 13 та гол ва 3 та ассист ёздириб қўйди.
2025 йил 26 июль куни Виктор Дьёкереш "Спортинг"дан "Арсенал"га ўтиб, шартнома имзолаган эди. Transfermarkt портали маълумотларига кўра, футболчининг бозор қиймати 70 миллион еврони ташкил қилади.
