«Милан»нинг собиқ ҳимоячиси, грузиялик футболчи Каха Каладзе португал ҳужумчиси Рафаэл Леау жамоа учун жуда зарур эканлигига ва у «алоҳида» футболчилар тоифасига киришига шубҳа қилмаяпти. Эслатиб ўтамиз, Леау Италияга анча олдин — 2019 йилда кўчиб ўтган эди.

«Италияда уни танқид қилишни жуда яхши кўришади, мен бундан хабардорман. Аммо у ҳам жисмоний, ҳам техника жиҳатидан жуда кучли. Агар клуб яна ғалабаларга қайтмоқчи бўлса, Леауни «Милан» учун энг муҳим бўғин деб ҳисоблайман. Бунга ҳеч қандай шубҳа йўқ», — дея Каладзенинг сўзларини келтирмоқда «pianetamilan.it».

Маълумот учун, Каха Каладзе 2001 йилдан 2010 йилгача «Милан» шарафини ҳимоя қилган. Ҳозирда собиқ футболчи Грузия пойтахти — Тбилиси шаҳри мэри лавозимида фаолият юритмоқда.