«Ноттингем Форест» собиқ бош мураббийи Шон Дайч жамоадан бўшатилишидан олдин футболчиларнинг ишончини йўқотган эди. Бу ҳақдаги маълумот билан «Daily Mail Sport» ўртоқлашмоқда.
Манбанинг хабарига кўра, Дайч «ўрмончилар» бош мураббийлигига илк бор тайинланганида, футболчилар ўйиннинг оддий услубида ўзларини қулай ҳис қилишган. Бироқ натижалар ёмонлашиб бориши билан мураббийда янги ғоялар борлигига шубҳалар туғила бошлаган.
Дайч асосий урғуни ўйин жиҳатларига эмас, балки югуриш машқлари ва умуман жисмоний тайёргарликка қаратган. Дайч «Ноттингем Форест»ни 2025 йилнинг октябридан жорий йилнинг февралигача бошқарди. Ҳозирда «ўрмончилар» 27 очко билан Премьер-лига турнир жадвалида 17-ўринни эгаллаб турибди.
