Лондоннинг "Арсенал" жамоаси бош мураббийи Микель Артета ярим ҳимоячи Итан Нванерини ижарага берганидан афсусдами ёки йўқлиги ҳақидаги саволга жавоб берди.
"Мерино беш ойга сафдан чиқишини, Хаверц эса йўқлигини ким ҳам башорат қила оларди? Бу ачинарли. Аммо Итан учун бошқа муҳитда ўзини синаб кўриш, ўйин амалиётига эга бўлиш ва бизга қайтишга тайёргарлик кўриш жуда муҳим", — дея Артетанинг сўзларидан иқтибос келтирмоқда журналист Фабрицио Романо.
18 ёшли ҳужумкор ярим ҳимоячи қишки трансфер ойнасида "Арсенал"дан "Марсель"га ўтган эди. Франция клуби таркибида Нванери тўртта ўйин ўтказиб, битта гол уришга улгурди.
"Арсенал" 26 турдан кейин 57 очко жамғарган ҳолда Англия чемпионатида пешқадамлик қилмоқда. Навбатдаги турда "канонирлар" "Вулверхэмптон" билан тўқнаш келишади (18 февраль).
