Франциянинг «ПСЖ» клуби ярим ҳимоячиси Сенни Меюлю ҳозирча парижликлар билан амалдаги меҳнат шартномасини узайтириш борасида келишувга эришгани йўқ. Унинг амалдаги шартномаси 2026/2027 йилги мавсум якунида ниҳоясига етади.
«Caught Offside» нашрининг хабар беришича, Англия Премьер-лигасининг топ-клублари ушбу вазиятдан фойдаланиб қолмоқчи. 19 ёшли футболчининг трансферига Лондоннинг «Арсенал», «Манчестер Сити» ва «Челси» клублари қизиқиш билдирмоқда.
Агар «ПСЖ» футболчи билан янги шартнома бўйича келиша олмаса, уни тахминан 60 миллион евро эвазига қўйиб юборишга тайёр.
Жорий мавсумда Меюлю 28 та учрашувда майдонга тушиб, ўз ҳисобига тўртта гол ва бешта голли узатмани ёздириб қўйди.
