Январь ойида Майкл Кэррик мураббийлик лавозимига тайинланганидан бери "Манчестер Юнайтед" Премьер-лига доирасидаги еттита ўйинда олтита ғалаба ва битта дуранг қайд этди. 2021 йилда Кэррик бошқарувида "қизил иблислар" Англия чемпионатида иккита ўйин ўтказиб, тўрт очко жамғаришган эди.
Шундай қилиб, Кэррик Премьер-лига мураббийи сифатида жами тўққизта ўйин ўтказди ва йиғиш мумкин бўлган 27 очкодан 23 тасини қўлга киритди.
Opta статистика мутахассисларининг хабар беришича, АПЛдаги дастлабки тўққизта ўйинда 23 очко тўплаш — бу мураббийлик рекордининг такрорланишидир. Англия лигасидаги илк тўққизта баҳсида худди шунча очкони Анге Постекоглу ҳам жамғарган эди. Ҳеч ким бундан яхшироқ ёки камида шундай натижа билан старт ололмаган.
Чоршанба куни, 4 март санасида "Манчестер Юнайтед" сафарда "Ньюкасл"га қарши майдонга тушади.
