«Бавария» ярим ҳимоячиси Жамал Мусиала асосий жамоада илк бор таққан сардорлик боғичи ҳақида ўз фикрларини билдирди.
«Киммих нима учун уни менга берганини тушунмадим. Менимча, Леон ёши каттароқ бўлгани учун боғични у тақиши керак эди. Аммо мен бундан хурсандман. Бундай катта клубда сардорлик боғичини тақиш мен учун юксак шараф», — дея Мусиаланинг сўзларидан иқтибос келтирмоқда Bayern & Germany.
Германия чемпионатининг 25-турида «Бавария» Мёнхенгладбахнинг «Боруссия» жамоасини тор-мор этди. Учрашув 4:1 ҳисобида якунланди. Мусиала баҳсдаги голлардан бирига муаллифлик қилди.
Жорий мавсумда 23 ёшли Мусиала барча турнирларда жами ўнта ўйинда майдонга тушиб, иккита гол ва иккита голли узатмани ўз ҳисобига ёзиб қўйди.
