Англия Кубоги чорак финалига чиққанидан кейинги кун "Ливерпуль" ярим ҳимоячи Райан Гравенберх билан шартномани узайтирганини эълон қилди.
23 ёшли нидерландиялик футболчи узоқ муддатли шартнома имзолади ва шундай деди: "Ўзимни яхши ҳис қиляпман, жуда яхши. Бундай катта клуб билан шартномамни узайтирганимдан жуда фахрланаман.
Бу клубда яна кўп йиллар қола олишимдан жуда хурсандман. Мен дарҳол клуб ва менежеримизнинг ишончини ҳис қилдим.
Шартномамни узайтириш қарори осон бўлди. Оилам ҳам бу ерда хурсанд. Мен бу ерда деярли уч йилдан бери ўйнаб келаман, шунинг учун ҳамма нарсани биламан.
Бу ерда эканлигимдан хурсандман", деди Гравенберх клуб матбуот хизматига.
