«Ювентус» ҳужумчиси Кенан Йилдиз А Сериянинг шанба кунги «Пиза»га қарши баҳси (4:0) қаҳрамонларидан бирига айланди.

20 ёшли футболчи 54-дақиқада Андреа Камбьясога голли узатма берди, 75-дақиқада эса ўз исмини таблога ёздириб қўйди. Эндиликда туркиялик футболчининг А Серия жорий мавсумидаги ҳисобида 9 та гол ва 5 та голли узатма мавжуд. Opta маълумотларига кўра, бунгача Европанинг кучли бешлик чемпионатларида фақат икки нафар 20 ёшгача бўлган футболчи 5 та гол ва 5 та ассист кўрсаткичидан ўта олган эди. Булар — «Барселона»дан Ламин Ямал ва «РБ Лейпциг»дан Ян Диомандедир.

Кенан Йилдиз айни дамда А Серия тўпурарлар пойгасида иккинчи ўринни бошқа беш нафар футболчи билан бўлишиб турибди.