«Милан» клуби ва Швеция терма жамоаси собиқ футболчиси Златан Ибрагимович «россонерилар» бош мураббийи Массимилиано Аллегри ҳақида ўз фикрлари билан ўртоқлашди.

«Мен у билан мураббий сифатида бирга ишлаганман. У футболчилар билан муносабат ўрнатишда жуда моҳир ва жамоани аъло даражада бошқаради. У «Милан» билан аллақачон совринларни қўлга киритган ва мени шуғуллантирган вақтларидаёқ ажойиб мураббий эди», — деди Ибрагимович.

Эксперт, шунингдек, италиялик мутахассис кучли характерга эга эканлигини ва бу унга машҳур футболчилар олдида обрў-эътибор қозониш имконини беришини таъкидлади.

А Сериянинг жорий мавсумида Аллегри жамоаси 60 очко жамғаришга муваффақ бўлди. Чемпионатнинг 28-туридан сўнг «Милан» турнир жадвалида «Интер»дан етти очко ортда қолган ҳолда иккинчи ўринни эгаллаб турибди.

Аллегрининг клуб билан амалдаги шартномаси 2027 йилнинг ёзида якунига етади.