Игор Тудор ўз келажаги борасида фикр билдирди. Якшанба куни «Тоттенхэм» сафарда «Ливерпуль» билан баҳсда 1:1 ҳисобидаги дурангга эришди. Бу ҳозиргача Тудор қўл остида ўтказилган бешта ўйин ичида «Тоттенхэм» мағлуб бўлмаган ягона учрашувдир.

«Менинг келажагим? Агар яхши натижа бўлмаса, ҳар қандай клубда вазият бир хил, «Тоттенхэм» ҳам бундан мустасно эмас. Мураббий алмашиши умид беради, лекин муаммо қолмоқда. Мураббий бу муаммони ҳал қилиши керак. Журналистлар бундай саволларни беришни яхши кўришади, лекин бундан мантиқ йўқ. Доим бир хил саволлар», — деди Тудор «Энфилд»даги ўйиндан кейинги интервьюсида.

«Тоттенхэм» Англия чемпионати турнир жадвалида 16-поғонани эгаллаб турибди. «Шпорлар» хавфли ҳудуддан (қуйи лигага тушиб кетиш зонасидан) атиги бир очко олдинда.