«Реал Мадрид» ҳимоячиси Антонио Рюдигер ўзининг ўйин услуби ҳақида фикр билдирди.
«Мен агрессив ўйнайман, лекин қизил карточка олиш даражасида таваккал қилмайман. Майдонда нечанчи дақиқа кетаётганини ва нима хавф остида эканини аниқ биламан. Тўққиз йил давомида қизил карточка олмаслик — бу тасодиф эмас. Ҳатто кўпчилик ўйлаганчалик кўп сариқ карточка ҳам олмайман. Сўнгги бир неча йил ичида лигадаги баҳсларда бир мавсум учун ўртача бештага яқин огоҳлантириш олганман, холос», — дея Рюдигернинг сўзларини келтиради Madrid Xtra.
Жорий мавсумда 33 ёшли германиялик ҳимоячи барча мусобақаларни инобатга олганда 18 та учрашувда иштирок этиб, битта гол муаллифига айланди. Таъкидлаш жоизки, футболчининг ҳисобида ҳозирча бор-йўғи битта огоҳлантириш (сариқ карточка) мавжуд.
