«Гремио»нинг 17 ёшли ҳужумкор ярим ҳимоячиси Габриэль Мек АПЛнинг икки клуби — «Брентфорд» ва «Ноттингем Форест» қизиқишлари доирасига тушди.

«Гремио» молиявий қийинчиликларни бошдан кечираётгани сабабли, шу ёзда Мекни сотиб юборишни режалаштирмоқда. Бундан олдин футболчини «Ливерпуль» ва «Челси» каби грандлар ҳам кузатиб боришган. Инглиз клубларидан ташқари, Португалиянинг етакчи жамоалари — «Бенфика», «Спортинг» ва «Порту» ҳам бразилиялик футболчига қизиқиш билдирмоқда.

Қайд этиш жоизки, жорий мавсумда Мек «Шахтёр»га ўтишга жуда яқин келган эди. «Гремио» Донецк клубининг тахминан 15 миллион евролик таклифини қабул қилган, бироқ трансфер футболчининг хоҳишига кўра амалга ошмай қолган. Мек ўз ривожланиши учун ҳозирча Бразилияда қолишни афзал кўрган.