«Челси» ярим ҳимоячиси Энцо Фернандес ўз баёноти билан Мадриднинг «Реал» клубига эҳтимолий ўтиши ҳақидаги миш-мишларни янада авж олдирди.
Аргентиналик футболчи Испания пойтахти унга жуда ёқишини тан олди.
«Мен Мадридда яшашни истардим. Бу ажойиб шаҳар, у менга Буэнос-Айресни эслатади», — дея журналист Фабрицио Романо 25 ёшли футболчининг сўзларини келтирмоқда.
Шундан сўнг, аниқ бир клуб ҳақида берилган саволга хавбек жавоб бермади — у шунчаки табассум қилиш билан кифояланди.
Энцо Фернандеснинг номи анчадан бери «Реал» билан боғлаб келинмоқда. Transfermarkt портали экспертлари футболчининг қийматини 90 миллион еврога баҳолашмоқда, унинг «Челси» билан амалдаги шартномаси эса 2032 йилнинг ўрталаригача мўлжалланган.
