"Милан"нинг собиқ президенти Адриано Галлиани Италия футболидаги муаммолар ҳақида гапирди. Эслатиб ўтамиз, Италия терма жамоаси кетма-кет учинчи бор Жаҳон чемпионатидан қуруқ қолди.
"Серия А футболчиси томонидан қўлга киритилган охирги "Олтин тўп"ни Кака (2007 йилда) олган эди. Бир пайтлар "Милан"да Франко Барези ва Паоло Мальдинилар ўйнарди — энди ҳамма нарса ўзгарди. Таҳлиллар эса мен бугун эрталаб эшитаётган гаплардан анча чуқурроқ бўлиши керак.
1990 йилда Италия Европа чемпионлари кубоги, Кубок эгалари кубоги ва УЕФА кубогини қўлга киритган, италиялик клублар доимий равишда еврокубоклар финалига чиқар эди. Ҳозирда бу футбол феномени ҳам клублар, ҳам терма жамоа даражасида инқирозга юз тутмоқда. Мен статистикани севадиган инсон сифатида шуни ҳам қайд этаманки, Серия А да тўп узатиш тезлиги — Европадаги энг паст кўрсаткичлардан биридир", — деди Галлиани Sky Sport эфирида.
