«Барселона» вингери Ламин Ямал Испания ва Миср терма жамоалари ўртасидаги ўртоқлик учрашувидан (0:0) сўнг баёнот билан чиқди. 18 ёшли Ямаль испаниялик мухлисларнинг мусулмонларга қаратилган ҳақоратли ҳайқириқларини кескин қоралади.
«Реал» ҳужумчиси Винисиус Жуниор Ямальнинг ушбу баёнотига муносабат билдирди. Бразилиялик юлдуз «Барселона» футболчисининг ижтимоий тармоқдаги постига «лайк» босиб, уни қўллаб-қувватлади.
«Барселона» айни дамда Испания чемпионати турнир жадвалида пешқадамлик қилмоқда. «Реал» эса каталонияликлардан тўрт очко орқада қолган ҳолда иккинчи ўринда бормоқда. Келаси ойда, 10 май куни «Камп Ноу» стадионида «Барселона» ва «Реал» ўртасида «Эл Класико» бўлиб ўтади. Ушбу учрашув Ла Лига чемпионлиги учун курашда ҳал қилувчи аҳамиятга эга бўлиши мумкин.
