Ярим ҳимоячи Бернарду Силва яқинлашиб келаётган ёзда "Манчестер Сити"ни эркин агент мақомида тарк этади. Португалиялик футболчи учун вариантлардан бири — "Ювентус"га ўтиш ҳисобланади.
La Gazzetta dello Sport нашрининг хабар беришича, "Ювентус" аллақачон футболчининг агенти Жорже Мендеш билан алоқага чиққан. Турин клуби Силвага яна бир мавсумга узайтириш имконияти билан уч йиллик шартнома таклиф қилган. Маош миқдори йилига 7-8 миллион еврони ташкил этади. Ва бу португалиялик футболчи август ойида 32 ёшга тўлишига қарамай таклиф қилинмоқда.
Шу билан бирга, Бернарду Силвага Европанинг бошқа нуфузли клублари ҳам қизиқиш билдираётгани қайд этилган. Аввалроқ португалиялик футболчининг номи "Барселона" ва "ПСЖ" билан боғланган эди.
