"Барселона" ҳимоячиси Жоау Канселу Хави Эрнандес ва Ханс-Дитер Фликни солиштирди.
— Сиз Хави Эрнандес қўл остида ҳам шуғуллангансиз ва ҳозирда Ханси Флик билан биргасиз. Улар ўртасида нима ўзгарди? Ва ҳозирги "Барселона" аввалгисидан яхшироқми?
— Ҳар кимнинг ўзига яраша устунликлари ва камчиликлари бор, бу ҳар доим шундай бўлиб келган. Мен Хави Эрнандесдан жуда миннатдорман, чунки у менга кўп ёрдам берган мураббий. Уни футболчилик даврида ҳам кўп кузатганман, у менга жуда ёқадиган ўйинчи эди.
Ханси Флик эса бошқача, лекин у албатта яхшироқ ёки ёмонроқ дегани эмас. Ўйлайманки, уларнинг иккаласи ҳам буюк мураббийлар. Балки Фликнинг мураббийлик фаолияти узоқроқ бўлгани учун тажрибаси бироз кўпроқдир, лекин Хави ҳам ажойиб мураббий бўлишига ишонаман", - деди 31 ёшли португалиялик ҳимоячи матбуот анжуманида.
