«Тоттенхэм» аъзоси Пап Матар Сарр фаолиятини бошқа гранд жамоада давом эттириши мумкин. CaughtOffside нашрининг хабарига кўра, 23 ёшли сенегаллик футболчига «Реал», «ПСЖ» ва «Бавария» клублари қизиқмоқда.

«Шпорлар» ярим ҳимоячини шу ёзда сотишга тайёр, бироқ унинг трансферидан камида 50 миллион фунт стерлинг ишлаб олмоқчи. Саррнинг лондонликлар билан шартномаси 2030 йилгача амал қилади.

Маълумот учун, Пап Матар Сарр жорий мавсумда 34 та ўйинда майдонга тушиб, 2 та гол ва 3 та ассист қайд этган. Transfermarkt уни 32 миллион еврога баҳоламоқда.