Аргентиналик ярим ҳимоячи Энцо Фернандес жорий мавсум якунланганидан сўнг Лондоннинг «Челси» клубини тарк этиши мумкин. Бу ҳақда Guardian журналистлари хабар бермоқда.
Манбанинг маълумотларига кўра, «аристократлар» раҳбарияти юлдузли ярим ҳимоячининг сотуви бўйича таклифларни кўриб чиқишга тайёр. Инглиз клуби Фернандеснинг трансферидан тахминан 150 миллион евро ишлаб олишни режалаштирмоқда. Аввалроқ матбуотда Энцонинг Мадриднинг «Реал» клубига ўтиши мумкинлиги ҳақида миш-мишлар тарқалган эди.
Англия чемпионатининг жорий мавсумида 25 ёшли ярим ҳимоячи 30 та учрашувда майдонга тушиб, 8 та гол ва 3 та голли узатмани амалга оширди. Унинг «Челси» билан амалдаги шартномаси 2032 йилнинг ўрталаригача мўлжалланган.
