«Манчестер Сити» ўзаро баҳсда «Арсенал» устидан ғалаба қозониб (2:1), турнир жадвалида «канонирлар»га яқинлашиб олди. «Шаҳарликлар» Райан Шерки ва Эрлинг Холанднинг 16 ҳамда 65-дақиқалардаги аниқ зарбалари эвазига зафар қучишди. Меҳмонлар таркибида 18-дақиқада Кай Хаверц гол уришга муваффақ бўлди.
«Ўйиндан сўнг йигитларга шундай дедим: "Бу дамдан завқланинг, лекин диққатни йўқотманг, чунки олдимизда ҳамма нарсани ҳал қиладиган яна уч-тўрт ҳафта бор“», — деди «Сити» бош мураббийи Хосеп Гвардиола матбуот анжуманида.
Лондонликлар билан очколар ўртасидаги фарқ учтагача қисқарди, шу билан бирга Манчестер гранди заҳирасида битта ўйин бор. Агар «Сити» чоршанба куни сафарда «Бёрнли»ни мағлуб этса, очколар бўйича «Арсенал»га етиб олади.
