Германияда катта можаро келиб чиқди. Фатима Заҳра исмли қиз «Бавария» футболчиси Майкл Олиседан фарзанд кўрганини даъво қилмоқда. Унинг сўзларига кўра, англиялик футболчи уни ташлаб кетган ва қизига мутлақо ғамхўрлик қилмаяпти.

«Майкл Олисе — қизимнинг отаси. Афсуски, у бизни алдаб кетди, мана бир неча ойдирки қизалоғим билан ёлғиз қолдик», — деб ёзди Заҳра ўзининг ижтимоий тармоқларида.

Олисе ҳозирча ушбу маълумот юзасидан ҳеч қандай изоҳ бермади. Ярим ҳимоячининг мюнхенликлар билан шартномаси 2029 йил ёзигача мўлжалланган. Transfermarkt портали футболчини 140 миллион еврога баҳоламоқда. Жорий мавсумда Олисе Бундеслигада 28 та ўйинда майдонга тушиб, 12 та гол урди ва 20 та голли узатмани амалга оширди.