Мюнхеннинг «Бавария» клуби кузатув кенгаши аъзоси Карл-Хайнц Румменигге ҳужумчи Ҳарри Кейннинг янги бош мураббий Венсан Компани келганидан кейинги ўзгаришлари ҳақида гапирди.

«Кейн Компани бошқарувида катта трансформацияни бошдан кечирди. У доим кўп гол урадиган ажойиб ҳужумчи бўлган. Аммо энди у ҳақиқий плеймейкерга айланди: майдон марказигача тушиб, ўзининг узун ва аниқ узатмалари билан Олисе ҳамда Диас каби шерикларини ўйинга қўшмоқда. Бу бизнинг ўйин услубимиз учун жуда муҳим», — деди Румменигге T-Online нашрига.

Маълумот учун, Ҳарри Кейн «Бавария» либосида жами 141 та ўйинда майдонга тушиб, 138 та гол ва 32 та голли узатмага муаллифлик қилди. Англиялик тўпурарнинг шартномаси 2026/2027 йилги мавсум якунигача амал қилади. Эслатиб ўтамиз, «Бавария» муддатидан олдин Германия чемпионлигини қўлга киритиб бўлган.