Аргентиналик ҳужумчи Пауло Дибала қачондир «Бока Хуниорс» либосини кийиш истаги борлиги ҳақида гапириб ўтди. У аввал ҳеч қачон ушбу клубда тўп сурмаган ва фаолиятининг катта қисмини А Серияда ўтказган. Бироқ ҳозирда уни ватанига нафақат ностальгия, балки турмуш ўртоғи Орьяна Сабатини ҳамда яқин дўсти Леандро Паредес ҳам чорламоқда.
«Кимдир менга «Бока Хуниорс» формасидаги суратимни юборибди. Бу сунъий интеллект маҳсулими ёки бошқа нарса — тушуна олмаяпман. Аслида ҳам уларнинг либосини кийишни хоҳлармидим? Бу ёмон бўлмасди, лекин ҳозирда мен «Рома» шарафини ҳимоя қиляпман ва шу клуб ранглари учун курашишим керак. Келажакда эса... Ким билади дейсиз?», — дея Дибаланинг сўзларидан иқтибос келтиради derbyderbyderby.it нашри.
Эслатиб ўтамиз, Пауло Дибала айни дамда Римнинг «Рома» клуби аъзоси ҳисобланади.
