Лондоннинг «Арсенал» клуби бош мураббийи Микель Артета Мадриднинг «Атлетико» ҳужумчиси Хулиан Альварес билан шартнома имзоланиши мумкинлиги ҳақидаги саволга жавоб берди.
Бугун «канонирлар» Испания пойтахтида Чемпионлар лигаси ярим финал босқичининг илк учрашувида «матрасчилар» билан куч синашади. Ўйиндан олдинги матбуот анжуманида журналистлар лондонликлар устозидан Альваресга бўлган қизиқиш ҳақида гапиришни сўрашди. Испаниялик мутахассис тўғри жавоб беришдан қочди.
«Биласизми, мен бошқа клуб футболчиларини муҳокама қилмайман ва бунга мажбур ҳам эмасман», – деб баёнот берди Артета.
Аргентиналик форвард учун асосий даъвогар «Барселона» ҳисобланади.
